«Jaslar sport hápteligi» ilajları



Elimizdegi sport tarawın rawajlandırıw hám elede jetilistiriw ilajların bolǵan itibar kúsheytiwi, watanımızda dúnya dárejesinde sporttıń zamanagóy talaplarına juwap beretuǵın sportshılardıń jetilisip shıǵıwı hám jeńislerge erisiwi, barlıq orınlarda sporttıń ǵalabalasıwı barısında bir qansha ilajlar ámelge asırılıp kelinbekte. 
Qanlıkól rayonında Ózbekstan Jaslar awqamı rayonlıq Keńesi tárepinen «Jaslar sport hápteligi» rayon aymaǵındaǵı barlıq oqıwshı jaslar menen aymaqlardaǵı  jámlespegen jaslar arasında sport shınıǵıwları islenbekte. 
Sonday-aq, ilajlar barısında, sporttıń basketbol, milliy gúres, kishi futbol, tennis, kórkem gimnastika hám voleybol túrlerinen jarıslar ótkerilip, jeńimpazlıqtı qolǵa kiritken sportshılar menen komandalarǵa shólkemlestiriwshiler tárepinen estelik  sawǵalar tapsırıldı.