Qamsızlandırıw baǵdarları qanday bilesizbe?



Ózbekstan Respublikası ekonomikasınıń tiykarǵı tarmaqlarında jumıs alıp barıp atırǵan kárxana hám shólkemlerge hám de xalıqqa kórsetiletuǵın arnawlı qamsızlandırıw xızmetleri qatarında «KAFOLAT» qamsızlandırıw kompaniyası» akcionerlik jámiyeti qamsızlandırıw bazarında óz ornına iye xızmetlerden sanaladı.
 Ózbekstan Respublikası Prezidentiniń  2017-jıl 9-oktyabr kúngi «KAFOLAT qamsızlandırıw kompaniyası» akcionerlik jámiyeti jumısın jetilistiriw ilajları haqqında»ǵı PP-3317-sanlı Pármanına muwapıq, «KAFOLAT» qamsızlandırıw kompaniyası»nıń áhmiyetli baǵdarları belgilendi:
-birinshi, girew hám lizing obektlerin zıyannan, órtten hám tábiyǵıy apatlardan qamsızlandırıw, sonıń menen birge, mal-múlk, úskeneler hám de isbilermenlik jumısın barlıq qáwiplerden qamsızlandırıw arqalı isbilermenlik subektlerine qamsızlandırıw qorǵawın usınıw.
-ekinshi, sanaat kárxanaları hám ekonomikalıq tarawlardaǵı qurılıs obektlerin barlıq táwekelshiliklerden qamsızlandırıwın támiyinlew.
-úshinshi, aymaqlardı social-ekonomikalıq rawajlandırıw boyınsha mámleketlik baǵdarlaması sheńberinde yuridikalıq hám fizikalıq táreplerge qamsızlandırıw qorǵawın usınıw hám elimizdiń barlıq aymaqlarında xalıqtı «Máhálle» fondı, «Nuranıy» qorları hám de Ózbekstan Respublikası Jaslar Awqamı menen birgelikte keńeytiw.
-tórtinshi, xalıqtı jeke qamsızlandırıw infekciyalıq keselliklerden qamsızlandırıw boyınsha qamsızlandırıw qorǵawın támiyinlew.
(juqpalı kesellikler qamsızlandırıw hádiyseleri dep tán alınǵan  salmonellyoz, ótkir poliomielit, virusli gepatit, stafilokokkli (birinshi márte azıq-awqattan záhárlengende), viruslı gepatit, botulizm, brucellyoz, difteriya, meningokokkoli juqpalı kesellik, kenelerden juǵatuǵın viruslı encefalit, ish terleme, dizenteriya, qutırıw, epidemik parotit, qaramıq, qızılsha, kók jótel jámi 17 túrdegi kesellikler menen awırǵanda qamsızlandırıw xızmeti kórsetiledi.)
-besinshi, jaslar ushın turaq jay qurıw baǵdarlamaları boyınsha úylerdi qamsızlandırıw,
-altınshı, jańa innovaciyalıq qamsızlandırıw ónimlerin jaratıw arqalı qamsızlandırıw jumısın keńeytiw,
-jetinshi, zamanagóy málimleme texnologiyalarınan paydalanıp, virtual ofisler hám qamsızlandırıw xızmetlerin kórsetiwdiń jańa kanalların jaratıw, onlayn tólemdi ámelge asırıw imkaniyatına iye bolǵan internet dúkannan paydalanıw arqalı qamsızlandırıw xızmetlerin ulıwma jáhán Internet tarmaǵı arqalı satıwdı rawajlandırıwda qamsızlandırıw xızmetlerin kórsetiw sapasın asırıwǵa ayrıqsha itibar qaratılǵan.
 -segizinshi, Ózbekstan Respublikası Jer resursları, geodeziya, kartografiya hám mámleket kadastrı mámleketlik komiteti menen birgelikte arnawlı qamsızlandırıw xızmetlerin kórsetiw ushın kóshpes múlk obektleri haqqındaǵı maǵlıwmatlardı almasıw boyınsha avtomatlastırılǵan mexanizmdi jaratıw.
-toǵızınshı, qamsızlandırıw hám qayta qamsızlandırıw tarawında is júritiwshi xalıqaralıq shólkemler menen jumıs alıp barıw belgilengen.
Sonday-aq, qamsızlandırıw kompaniyasına Ózbekstan Respublikası Ayrıqsha jaǵdaylar ministrligi, Ózbekstan Respublikası Sawda-sanaat palatası menen birgelikte qamsızlandırıwdıń áhmiyeti haqqında xalıq, kárxana hám shólkemler arasında túsindiriw jumısların alıp barılmaqta.
Bul qabıl etilgen pármannıń ámelge asırılıwı xalıqtıń qamsızlandırıw institutına bolǵan isenimin bekkemlew hám qamsızlandırıw bazarın elede rawajlandırıw, «KAFOLAT» qamsızlandırıw kompaniyası» AJ jumısın jáne de jetilistiriw, xızmetler sapasın arttırıw hám xalıqaralıq talaplar menen standartlarǵa muwapıq zamanagóy koorporativ basqarıw usılların engiziw sıyaqlı wazıypalar belgilengen.