Qanlıkol rayonında 102 shańaraq jarastırıldı



Qanlıkól rayonı aymaǵındaǵı  «Nawrız» awıl puqaralar jıyınında «Shańaraqlardaǵı ajırımlardıń aldın alıw» temasında ashıq sáwbetlesiw ótkerildi.

Sáwbetlesiwdiń maqseti, házirgi kúndegi shańaraqlar arasındaǵı kelispewshiliklerdi jaslardıń ásirese eki táreptiń jası úlkenleriniń keltirip shıǵarıp atırǵanlıǵı, olardıń jaslardıń turmısında qarama-qarsılıqlardıń kelip shıǵıwı sebepli shańaraqlardaǵı ajırımlardıń aldın alıwdı úgit-násiyatlawǵa qaratılǵan.

Sonday-aq, sáwbetlesiw dawamında, shańaraqlarda nekeden ótiwden aldın jaslardı turmısqa tayarlaw, medicinalıq kóriktiń áhmiyeti, turmıslıq kelispewshilikler sebepli palkerge barıw-quranı karimdegi gúná ekenligi hámde ata-anaǵa, qáyin ata-qáyin ene, bir-birine shańaraq aǵzaları menen óz-ara qatnasındaǵı sıylasıǵı, jaslardıń shańaraqlardaǵı óz ornına iye bolıwı haqqında keń túrde túsinikler berildi.

Bunnan tısqarı, usınday ilajlardıń alıp barılıwı, úgit-násiyat jumıslarınıń úzliksiz túrde ótkeriliwi nátiyjesinde Qanlıkól rayonınan puqaralıq sudına ajırım boyınsha kelip túsken 28 shańaraqtıń hámde rayon boyınsha jámi 102 shańaraqtıń jarastırılǵanlıǵı haqqında maǵlıwmatlar berilip, tiyisli mekeme shólkemlerdegi jarastırıw komissiyaları birgelikte háreket etiwde alıp barılatuǵın ilajlardı bunnan bılayda kúsheytiw boyınsha wazıypalar belgilep alındı.

Sáwbetlesiwde, «Nawrız»  APJ baslıǵı B.Kayıpnazarov, rayonlıq «Oila»  orayı baslıǵı E.Baltabaeva, PXAJ bólimi baslıǵı P.Avezova, «Eshim axun» meshiti imam katibi N.Naimov, rayonlıq  ádillik bólimi qánigesi B. Matchanova hámde «Nawrız» awıl puqaralar  jıyını qánigesi J.Serkebaevalar qatnastı.