Ózbekstan Respublikası Oliy Májilis deputatı Z.Xaniyazov Qanlıkól rayonında boldı



2018-jıl 11-noyabr kúni Ózbekstan Respublikası Oliy Májilis Nızamshılıq palatası deputatı Z.Xaniyazov Qanlıkól rayonında bolıp, rayon hákimi qatnasında Xalıq deputatlarınıń Qanlıkól rayonlıq Keńes deputatları menen  ashıq sáwbetlesiw ótkerildi.
Sáwbetlesiw barısında, xalıq deputatlarınıń rayonlıq Keńes deputatları tárepinen rayon aymaǵındaǵı puqaralardıń ózin-ózi basqarıw uyımlarında alıp barıp atırǵan jumısları menen ótkerilip atırǵan ilajları sonday-aq, aymaq xalqı menen ushırasıwlar ótkerilip, olarda puqaralar ásirese jaslarınıń múrájatleri menen tilek, ótinishleri tıńlanıp, anıqlanǵan mashqalalarǵa óz ornında sheshimi tabılıp, 2019-jılǵı «Jol kartası» mámleketlik dástúrine kiritilgen múrájatlardıń saplastırılıwı boyınsha wazıypalar belgilep alındı.
Sonday-aq, rayon aymaǵındaǵı «KANTEKS INVEST» jip iyiriw hám qayta islew fabrikasın barıp kórdi hám fabrikanıń házirgi kúndegi jaǵdayı menen tanıstı.
Bunnan keyin rayonlıq kóp tarmaqlı medicina birlespesinde bolıp, emlewxanadaǵı xalıqtıń salamatlıǵın saqlawdaǵı medicina xızmetkerleriniń jumısları hámde tarawdaǵı ushırasıp atırǵan mashqalalardı saplastırıw boyınsha tiyisli taraw wákillerine tapsırmalar berildi.