Isshi topar aǵzaları Qanlıkólde



Ózbekstan Respublikası Prezidentiniń 2018-jıl 15-16-noyabr kúnleri Qaraqalpaqstan Respublikasında bolǵan saparı dawamında berilgen tapsırmalarına muwapıq, barlıq orınlarda sociallıq hám diniy ortalıqtı úyreniw boyınsha Ózbekstan Musılmanlar mekemesi bólimi baslıǵı H.Ishmatbekov, Qaraqalpaqstan Musılmanlar qaziyatı qazı orınbasarı B.Razovlardan dúzilgen isshi topar aǵzaları Qanlıkól rayonında bolıp, barlıq puqaralar jıyınlarında profilaktika inspektorları, imam, mollalar, kóshe biyleri, qániygeler menen aymaqta jasawshı puqaralar qatnasında ashıq sáwbetlesiwler ótkerdi.
Sáwbetlesiwdiń maqseti, xalıq arasındaǵı sociallıq hám diniy ortalıqtı úyreniw, erte nekeniń aldın alıw, shariy nekeniń áhmiyeti, milliy qádiriyatlarımızǵa jat illetlerdiń adamzatqa hám xalqımızǵa keri tásirin, keleshek áwladlarlarǵa, xalıqtıń barlıq qatlamlarına úgit-násiyatlawǵa qaratılǵan.
Sáwbetler dawamında, tiyisli mekeme, shólkemler birgelikte kindik qanımız tamǵan ana jerimizdi abaylap-asıraw, erte nekeniń aqıbeti, keleshekke tiyetuǵın tásiri, jaslar arasında turmıslıq kelispewshilikler sebepli bir nekeden ayrılmay ekinshi nekege ótiw, nekeden aldın medicinalıq kórikten ótiw, shariy nekeniń áhmiyeti, sırt ellerge jumıs islew niyetindegi shıqqan jaslardıń milletimizge jat illetlerge, aǵımlarǵa aralasıp qalıwı nátiyjesinde ǵárezli niyetlerin ámelge asırıw boyınsha missionerlikke jol qoymawı, hár bir jastıń sanasına ideologiyalıq immunitet sezimlerin qáliplestiriw boyınsha túsinikler berildi.