«Jaslar – keleshek qurıwshısı» atamasında bos jumıs orınları yarmarkası Qanlıkól rayonında



Qanlıkól rayonlıq bántlikke kómeklesiw orayı, rayon hákimligi hámde Ózbekstan Jaslar awqamı rayonlıq Keńesi tárepinen rayonımız jasları ushın «Jaslar – keleshek qurıwshısı» atamasında  jas  isbilermenler, ónermentler hám fermer xojalıqları tárepinen jańa jumıs orınları miynet yarmarkası ótkerildi.

Yarmarkaǵa rayon aymaǵındaǵı 42 artıq kárxana, fermer xojalıqları hám isbilermenlik subektleri bos jumıs orınları hám vakant lawazımları,  isbilermen hám fermer xojalıqları bos jumıs orınları menen qatnastı.

Bos jumıs orınları yarmarkasında rayon aymaǵındaǵı jumıssız jaslar hám aymaq puqaralar qatnastı. Mámleketlik kárxanalar tárepinen usınılǵan bos jumıs orınlarına sol jerdiń ózinde 2 jas jumıs penen támiyinlendi, 7 puqaraǵa jumısqa ornalasıwı ushın jollamalar berildi,  jumıs beriwshiler menen shártnamalar dúzildi.

 Sonday-aq, «Xalıqtı jumıs penen támiyinlew haqqında»ǵı nızam talapları tiykarında 10 jumıssız puqaralar óz qánigelikleri boyınsha taraw qániygeleri tárepinen kommerciyalıq banklerden jeńilletilgen kreditler alıw, jumısqa ornalasıw waqtında normativ hújjetlerdi rásmiylestiriw, pitkeriwshilerdiń huqıq hám erkinlikleri, is haqı, miynet dem alısları  boyınsha tolıq maǵlıwmatlar aldı.