Jámlespegen hayal-qızlar menen «Isbilermenlikke baslama» atamasında seminar



Qanlıkól rayonlıq hayal-qızlar komiteti basshılıǵında rayon aymaǵındaǵı jámlespegen hayal-qızlar hám jumıssız úy biykeleri arasında «Isbilermenlikke baslama» atamasında seminar ótkerildi.

Seminardıń maqseti Hayal-qızlardı hám shańaraqlardı qollap-quwatlaw fondı hámde Mikrokredit banki memorandumı tiykarında beriletuǵın jeńilletilgen 7 payızlı kredittiń alıw tártibi hámde isbilermenlik jumısın baslaw hám alıp barıw boyınsha túsinikler beriwge qaratılǵan.

Seminar dawamında, hayal-qızlar arasında isbilermenlik jumısın baslaw, shańaraqta ekonomikalıq dáramat deregin tabıw boyınsha isbilermenlik tarawı túrleri, isbilermenlik kónlikpelerin rawajlandırıw hámde tamarqa jerden únemli paydalanıw, sonday-aq, shańaraq isbilermenligin jolǵa qoyıwda kishi biznes túrleri, shańaraqlıq mektepke shekemgi bilimlendiriw mekemesin ashıw, onıń tártibi menen  ajıratılatuǵın kreditti alıwda kórsetiletuǵın ámeliy járdemler haqqında mısallar arqalı túsinikler berildi.

Bunnan tısqarı, seminar dawamında rayon aymaǵında usı kúnge deyin rayonlıq mámleketlik xızmetler orayı arqalı 77 isbilermen hayal-qızlar dizimnen ótkenligi hámde ónermentler birlespesi aǵzalıǵında  15 hayal-qızlardıń júritip atırǵan isbilermenlik jumısları úlgi retinde kórsetildi.