Қанлыкөл жаслары: Арал бойында бағ жаратыўға бизде үлесимизди қосамыз!



 Бүгинги күнде Мойнақта “Өзбекстан Республикасы Президенти жанындағы Аралбойы халықаралық инновация орайының жумысы нәтийжелилигин асырыўға байланыслы қосымша ис-илажлар ҳаққында»ғы Президент қарары (ПҚ–4597-санлы, 12.02.2020-ж.) менен “My garden in the Aral Sea” (“Аралдағы бағым”) агро ҳәм экотуризм жойбары әмелге асырылмақта.

 Жойбарда Өзбекстан Жаслар аўқамы Қанлыкөл районлық Кеңесиниң бир қатар белсенди жаслары, сондай-ақ, кеўилли жаслар, 20 февральдан 20 апрельге шекем мийўели ҳәм декоратив терек нәллерин егиў ҳәм Мойнақ районында әмелге асырылып атырған үлкен абаданластырыў жумысларына өзлериниң мүнәсип үлесин қосыў мақсетинде аймақта болды ҳәм 2000 нан зыят терек нәллерин екти.

 Ҳүрметли Президентимиз басшылығында Мойнақ районында әмелге асырылып атырған кең көлемли абаданластырыў ҳәм көгалландырыў жумысларына, республикамыздың бәрше аймақларынан жаслар ҳәм кеўиллилер топарлары келип, өзлериниң жаслық жигери менен мийнет етпекте.

 Арал-биз сениң тәғдириңе бийпарқ емеспиз.

Қанлыкөл районы ҳәкимлиги Мәлимлеме хызмети