«Билимлер беллесиўи» билимлилерди таңлайды



Қарақалпақстан Республикасы улыўма билим бериў мектеплеринде оқыўшылардың пәнлер бойынша билим дәрежесин асырыў, пәнлерге болған қызығыўшылығын арттырыў мақсетинде, басқышпа-басқыш 5-7-класслар арасында «Билимлер беллесиўи» өткерилип келинбекте.

2017-2018 оқыў жылында пәнлер бойынша 27-28-апрель күнлери болып өткен «Билимлер беллесиўи»ниң Қарақалпақстан Республикалық 3-басқышында Қанлыкөл районы улыўма есапта III-орынды ийеледи.

«Билимлер беллесиўи»ниң 3-басқышында районнан қатнасқан оқыўшылардан 18-санлы мектептен 8-класс оқыўшысы Орынбаев Илхам химия пәнинен I-орын, 7-класс оқыўшысы Қурбанбаева Саҳибжамал рус тили пәнинен II-орынды алыўға еристи.

Сондай-ақ, 8-класс оқыўшылары арасында 18-санлы мектептен Караматдинов Абатбай математика, 2-санлы мектептен Кубенов Исламбек биология, 7-класс оқыўшылары арасында 24-санлы мектептен Сапарова Айнура қарақалпақ тили, 15-санлы мектептен Турғанбаев Нурлыбек тәбият ҳәм география пәнлери бойынша III-орын жеңимпазлары болды.