«Ҳаял атыңа дақ түспесин» атамасында таңлаўы



Қанлыкөл районлық Хаял-қызлар комитети тәрепинен  «Мәденият» мәкан пуқаралар жыйынында ҳаял-қызлар арасында жынаятшылық ҳәм ҳуқықбузарлықтың алдын алыўды үгит – нәсиятлаў илажлары негизинде  «Ҳаял атына дақ түспесин» таңлаўы өткерилди.

Таңлаўдың мақсети, ҳаял-қызлар арасында жынаятшылық ҳәм ҳуқықбузарлықлардың алдын алыў, ақыбетлери, жүз берген жынаятшылықлар, ҳуқықбузарлық иллетлердиң шаңарақта ҳәм перзент тәрбиясына, келешегине, әсиресе өз өмирине кери тәсири, жынаятшылық ҳәм ҳуқықбузарлықларды болдырмаў бойынша 20-35-жас аралығындағы  ҳаял-қызларды сергекликке шақырыўдан ибарат.

Таңлаў даўамында, район аймағындағы «Мәденият» мәкан пуқаралар жыйыны аймағынан жәми 7 қызлар қатнасында  берилген шәртлер бойынша өз-ара сынақтан өтти.

Таңлаў жуўмағында, өзиниң талапшаңлығы менен жат иллетлерге ҳәмде жынаятшылыққа қарсы идеологиялық жақтан терең билимге ҳәмде сергекликке умтылыўшаңлығы менен Алламбергенова Нигора   1-орынды алыўға мияссар болды.

Сондай-ақ, таңлаўда, 2-орынды Султанова Сарбиназ, 3-орынды Ерназарова Гулзира ийеледи ҳәмде  шөлкемлестириўшилер тәрепинен «Ҳүрмет жарлығы»  менен баҳалы саўғалар менен сыйлықланды.