Аўыр күнлерде халқымызға тиргек болыў - инсаныйлық парызымыз



 Биз ҳәр бир хабарымызда, мәмлекетимизге кирип келген ҳәм сары шөптей тез тарқалып атырған оғада қәўипли есапланған коронавирус инфекциясынан қорғаныў, оның алдын алыў ушын қолланыў зәрүр болған қағыйдалар ҳәм республикамыз бойлап инфекцияның ақыбетлерин жумсартыўға тийисли көрилип атырған илажлар менен сизлерди жақыннан таныстырып барыўға ҳәрекет етпектемиз. Ғалаба хабар қураллары арқалы, инфекциядан қорғаныўдың ең әҳмийетли усылы сыпатында жеке гигиена қағыйдаларына қатаң бойсыныў лазымлығы тәкирар-тәкирар айтылмақта.

Бүгин Қанлыкөл районында жайласқан «КАНТЕКС ИНВЕСТ» ЖШЖ ҳәм «Yoshlar kelajagimiz» фонды районлық филиалы менен биргеликте, район аймағындағы «Қосжап» аўыл пуқаралар жыйыны турғынларының коронавирус инфекциясынан қорғаныўын тәмийинлеў мақсетинде, 1000 ға шамалас медициналық нықаплар бийпул тарқатылды.

Алдын хабар бергенимиздей, «КАНТЕКС ИНВЕСТ» жуўапкершилиги шекленген жәмийети, халқымызға 20 000 медициналық нықапларды бийпул тарқатыў мақсетиниң бар екенлигин билдирген.

Қанлыкөл районы ҳәкимлиги Мәлимлеме хызмети