Депутат Мурат Шымбергенов райондағы кем тәмийинленген шаңарақларға бийпул азық-аўқат өнимлерин тарқатты



Саўап исти ҳәр ким ҳәр күни ислеўи керек. Халқымызда бир-биреўге жәрдем бериў, аўырын жеңилтиў, қыйын жағдайда қоллап-қуўатлаў әдеби, әзел-әзелден қәлиплескен.

Бүгин Қарақалпақстан Республикасы Жоқарғы Кеңеси депутаты Мурат Шымбергенов, Қанлыкөл районы аймағында жасаўшы кем тәмийинленген шаңарақларға бийпул бир неше түрдеги азық-аўқат өнимлерин тарқатты. Елимизде жүз берип атырған айрықша жағдайларда, бәршемиз бир-биримизге тиргек болыўымыз тийис.

Еслетип өтемиз, Мурат Шымбергенов Өзбекстан Либерал демократиялық партиясынан Қарақалпақстан Республикасы Жоқарғы Кеңеси депутатлығына сайланған.