ХАЛЫҚ ДЕПУТАТЛАРЫ ҚАНЛЫКӨЛ РАЙОНЛЫҚ КЕҢЕСИНИҢ  8-СЕССИЯСЫ ҲАҚҚЫНДА МƏЛИМЛЕМЕ



 Усы жылдың 25-июнь күни Халық депутатлары Қанлыкөл районлық Кеңесиниң 8-сессиясы болып өтти.
Сессия мәжилисине район ҳәкими Д.Толыбаев, Халық депутатлары районлық Кеңесиниң депутатлары, ҳәкимлик бөлимлери, мәкеме, кәрхана, шөлкем басшылары, сондай-ақ, ғалаба хабар қураллары ўәкиллери қатнасты.

 Сессияны район ҳәкими Д.Толыбаев басқарып барды.
 Күн тәртибинде төмендеги 5 мәселе қаралды:

1. Аймақларда халықтың турмыс дәрежеси ҳәм жасаў шараятын жақсылаў, кәмбағаллықты қысқартыў, халықтың бәнтлигин тәмийинлеў, исбилерменлерди қыйнап киятырған машқалаларды шешиў бағдарында секторлар тәрепинен әмелге асырылып атырған жумыслар ҳаққында;

2. Халық депутатлары Қанлыкөл районлық Кеңесиниң турақлы комиссиялары тәрепинен әмелге асырылған жумыслар ҳаққында Регламент ҳәм депутатлық әдеби мәселелери бойынша турақлы комиссия баслығы К.Пирназаровтың есабаты;

3. Халық депутатлары Қанлыкөл районлық Кеңеси ҳәм турақлы комиссияларының 2020-жыл екинши ярым жыллық ис-режелерин тастыйықлаў ҳаққында.

 Қаралған мәселелер бойыша қарар жойбарлары тастыйықланып, тийисли пикирлер билдирилди.
Усының менен Халық депутатлары Қанлыкөл районлық Кеңеси өз жумысын жуўмақлады.

 Қанлыкөл районы ҳәкимлиги Мәлимлеме хызмети