Cектор баслығы жаслар менен ушырасты



 Қанлыкөл районы Мәмлекетлик салық инспекциясы, 4-сектор баслығы И.Аймуратов, «Жаслар орайы»нда жаслар менен ушырасты. Ушырасыўда ҳәзирги коронавирус пандемиясы дәўиринде, халықты социаллық жақтан қоллап-қуўатлаў, экономика тараўларының турақлы жумыс алып барыўын тәмийинлеў, исбилерменлик субъектлерине салық, лизинг, кредит төлемлери ҳәм басқа да ресурслар бойынша берилип атырған жеңилликлер ҳаққында кең түрде түсиник берди.

 Сондай-ақ, жеке пуқаралардың жәми жыллық дәраматы ҳақкындағы декларацияны тапсырыў мүддети 1-августқа шекем, малк-мүлк ҳәм жер салығын төлеў мүддети 15-октябрь күнине шекем созылғанлығын мағлыўмат сыпатында келтирип өтти. 

 Буннан тысқары, жаслар исбилерменлик субьектлерине жергиликли мәмлекетлик ҳәкимият органлары тәрепинен, малк-мүлк салығы, жер салығы ҳәм суў ресурсларынан пайдаланғанлыгы ушын салықты төлеў бойынша пайызларды өндирместен, 6 айға кешиктириў имканиятын (яғный бөлип төлеў) берилгенлиги бойынша да қысқаша түсиниклерди келтирди.
Ушырасыў соңында, жаслар салық системасындағы өзлерин қызықтырған сораўларына тийисли тараў қәнигелеринен жуўаплар алды. Жаслардың усыныс ҳәм машқалалары тыңланып, орнында шешилди.