«Биз жаслар нәшебентликке қарсымыз!» атамасында сүўретлер таңлаўы өткерилди



 Жаслардың ҳуқықый санасы ҳәм ҳуқықый мәдениятын жетилистириў, оларды түрли унамсыз иллетлерден аўлақ сақлаў, сондай-ақ, ҳәр бир өсип киятырған жас әўладта ана Ўатанға мухаббат сезимлерин қәлислестирген ҳалда тәрбиялаў баслы мақсетлеримизден саналады.

 30-июнь “Жаслар күни” ҳәм “Жаслар айлығы” шеңберинде, Қанлыкөл районы Прокуратурасы ҳәм Өзбекстан Жаслар аўқамы Қанлыкөл районлық Кеңеси менен биргеликте, 26-июнь “Халықаралық нәшебентликке қарсы гүресиў күни” мүнәсибети менен “Биз жаслар нәшебентликке қарсымыз!” атамасында онлайн сүўретлер таңлаўы өткерилди.

Таңлаў 23-июнь күни Өзбекстан Жаслар аўқамы районлық Кеңесиниң (@nashebentlik_suwretler_tanlawi) телеграм каналында шөлкемлестирилди. Таңлаўға келип түскен дөретпелер, 19-санлы Балалар музыка ҳәм көркем-өнер мектебиниң сүўретлеў өнери пәни оқытыўшысы П.Əбдиреймов тәрепинен баҳаланды.

 Таңлаў жуўмақларына көре, 1-орын 18-санлы улыўма билим бериў мектебиниң оқыўшысы Ш.Жумабаев, 2-орын 18-санлы улыўма билим бериў мектебиниң оқыўшысы Б.Хожабаева ҳәм 3-орын 15-санлы улыўма билим бериў мектебиниң оқыўшысы Н.Турғанбаевларға несип етти.