ХАЛЫҚ ДЕПУТАТЛАРЫ ҚАНЛЫКӨЛ РАЙОНЛЫҚ КЕҢЕСИНИҢ  9-СЕССИЯСЫ ҲАҚҚЫНДА МƏЛИМЛЕМЕ



 Халық депутатлары Қанлыкөл районлық Кеңесиниң 9-сессиясы болып өтти.
Сессия мәжилисине Қарақалпақстан Республикасы Жоқарғы Кеңесиниң Нызамлылық, суд-ҳуқық ҳәм коррупцияға қарсы гүресиў мәселелери комитетиниң баслығы З.Реймова, район ҳәкими Д.Толыбаев, Халық депутатлары районлық Кеңесиниң депутатлары, ҳәкимлик бөлимлери, мәкеме, кәрхана, шөлкем басшылары, сондай-ақ, ғалаба хабар қураллары ўәкиллери қатнасты.

Сессияны район ҳәкими Д.Толыбаев басқарып барды.
 Күн тәртибинде төмендеги 9 мәселе қаралды:

1. Инсан ҳуқықларын ҳәм еркинликлерин тәмийинлеў бағдарында ҳәрекеттеги нызам ҳүжжетлерине бойсынылыўы үстинен прокурор қадағалаўының жағдайы ҳәм оны және де күшейтиў илажлары ҳаққында Қанлыкөл районы прокуроры А.Каримбаевтың мәлимлемеси;

2. Қанлыкөл районы Ҳәкимшилик суды баслығы Ж.Аймағанбетованың “Пуқаралар ҳуқықлары ҳәм еркинликлерин, сондай-ақ, кәрханалар, мәкемелер ҳәм шөлкемлердиң ҳуқықлары ҳәмде нызам менен қорғалатуғын мәплерин суд арқалы қорғаў жумыслары ҳаққында”ғы мәлимлемеси;

3. Қанлыкөл районы Жынаят ислери бойынша суды баслығы Е.Абибуллаевтың “Пуқаралар ҳуқықлары ҳәм еркинликлерин, сондай-ақ, кәрханалар, мәкемелер ҳәм шөлкемлердиң ҳуқықлары ҳәмде нызам менен қорғалатуғын мәплерин суд арқалы қорғаў жумыслары ҳаққында”ғы мәлимлемеси;

4. Қоңырат районлараралық экономикалық суды баслығы А.Аяповтың 2020-жыл 6 ай даўамында әмелге асырылған жумыслары ҳаққында мәлимлемеси;

5. Қоңырат районлараралық пуқаралық ислери бойынша  суды баслығы Н.Абдакимовтың 2020-жыл 6 ай даўамында әмелге асырылған жумыслары ҳаққында мәлимлемеси;

6. Қанлыкөл районы Əдиллик бөлими тәрепинен 2020-жылдың биринши ярым жыллығы даўамында әмелге асырылған жумыслар ҳаққында районлық Əдиллик бөлими баслығы Т.Асановтың мәлимлемеси;

7. «Ҳуқықбузарлықлар профилактикасы ҳәм жынаятшылыққа қарсы гүресиўде әмелге асырылған жумыслар ҳаққында Қанлыкөл районы Ишки ислер бөлими баслығы К.Абдуллаевтың есабаты;

8. Халық депутатлары Қанлыкөл районлық Кеңесиниң Нызамшылықты тәмийинлеў ҳәм коррупцияға қарсы гүресиў мәселелери бойынша турақлы комиссиясы тәрепинен әмелге асырылған жумыслар ҳаққында;

9. Өзбекстан Республикасы “Мәҳәлле” қайырқомлық жәмийетлик фонды Қанлыкөл районы бөлими жанындағы “Сақаўат ҳәм көмек” қорына түскен қаржыларды мақсетли ҳәм мәнзилли жумсаў ҳаққындағы мәселелер бойынша  баянатлар тыңланды.

Қаралған мәселелер бойыша қарар жойбарлары тастыйықланып, тийисли пикирлер билдирилди.
Усының менен Халық депутатлары Қанлыкөл районлық Кеңеси өз жумысын жуўмақлады.

Қанлыкөл районы ҳәкимлиги Мәлимлеме хызмети