Қанлыкөлде ҳаўа да сатылмақта



Өзбекстан Республикасы Президентиниң 2018-жыл 7-февральдағы «Ишки туризмди жедел раўажландырыўды тәмийинлеў илажлары ҳаққында»ғы ПҚ-3514- санлы қарарының белгиленген талапларының орынланыўын тәмийинлеў бойынша орынларда бир қанша илажлар әмелге асырылып келинбекте.

Қанлыкөл районы «Қанлыкөл» посёлка пуқаралар жыйыны аймағында «Aydos Diyorbek» жеке меншик кәрханасы тәрепинен «Арал теңизи аймағы ҳаўасы» консерваланған сувенири ислеп шығарылмақта.

Консерва қылынған ҳаўа - өз ишине ҳәр қыйлы сезимлерди топлаған ҳақыйқый сувенир болып табылады.

Сувенирди сатып алған турист тек ғана консервадағы ҳаўаны емес, ал Қарақалпақстан, Арал теңизи аймағын елеслетиўши тәсирлеринде өзи менен алып кетеди.

Сувенирди алыўды қәлеўшилер төмендеги мәнзилге хабарласыўыңызға болады.

Телефон: (+99890) 592-22-20,

 E-mail aydos-diyorbek@mail.ru