Жаслардың ҳуқықый мәдениятын ҳәм әдеп-икрамлылығын асырыў айлығы шеңберинде илажлар ɵткерилмекте



 Қанлыкөл районында жаслар ҳәм жас өспиримлер ортасында ҳуқықбузарлықлардың алдын алыў ҳәм олардың ҳуқықлары, еркинликлери нызамлы мәплерин қорғаўды тәмийинлеў мақсетинде, 15-сентябрь ҳәм 15-октябрь  аралығында, «Жаслар ҳәм жас өспиримлер арасында ҳуқықый мәденият ҳәм әдеп-икрамлылық айлығы» шөлкемлестирилди.

 Айлық шеңберинде, райондағы барлық мəкан, аўыл ҳəм посёлка пуқаралар жыйынларында аймақ ақсақаллары, билимлендириў мәкемелери ўəкиллери ҳәм басланғыш шөлкем жетекшилери, сондай-ақ, пуқаралар жыйыны баслықларының ҳаял-қызлар ҳәм социаллық-руўхый мәселелер бойынша орынбасарлары, профилактика инспекторларынан ибарат исши топар дүзилип, белгиленген график тийкарында аймақларда түрли илажлар ɵткерилип келинбекте.

 Жас өспиримлердиң мәжбүрий мийнетке әсиресе, аўыл ҳожалығы бойынша мәўсимлик жумысларға (пахта терими, пилле жетистириў ҳəм т.б) тартылыўының алдын алыў мақсетинде, билимлендиирў мәкемелеринде «Давомат» илажлары әмелге асырылды.

 Айлық барысында, жас өспиримлер комиссиясы тәрепинен  жаслардың ҳәм жас өспиримлердиң түрли жат идеялар тәсирине берилип кетиўиниң алдын алыў, олардың арасында жынаятшылық ҳәм ҳуқықбузарлықлар профилактикасын шөлкемлестириў, соның менен бирге, жаслардың қадағалаўсыз ҳәм қараўсыз қалыўының алдың алыў мақсетинде, ҳуқықбузарлықлар жүз бериўи мүмкин болған орынларда жəмийетшилик қадағалаў жумыслары күшейтилмекте.