Қанлыкөл районында жынаят ислери бойынша суды баслығына талабан жәмийетшиликке усынылды



Өзбекстан Республикасы Президенти Ш.Мирзиёевтиң 2017-жыл 13-июнь күнги судьялар менен болған ушырасыўында «Нызам ҳәм әдиллик үстинлигин тәмийинлеў – барлық ийгиликли мақсетлеримизге жетиўимиздиң ең әҳмийетли шәрти» атлы баянатында келтирилген ўазыйпалардың орынланыўы бойынша, судьялық лаўазымына талабанларды таңлаў ҳәм таңлаў барысын демократиялық жағдайда өткериў, судья лаўазымына биринши рет сайланып атырған талабанды район жәмийетшилигине усыныс етиў бойынша орынларда  ушырасыўлар өткериў белгиленген.

Жәмийетшиликтиң разылығын алыў мақсетинде, 2018-жыл 2-июнь күни, Қанлыкөл районы ҳәкимлигинде ушырасыў өткерилди.

Ушырасыўда, Судьялар Олий Кеңеси судьясы Р.Исмайлов, Қарақалпақстан Республикасы жынаят ислери бойынша ўақытша атқарыўшы М.Байниязов, Қарақалпақстан Республикасы ҳәкимшилик судының баслығы А.Адилов, район ҳәкими ҳәм район ҳәкими орынбасарлары, районлық ҳуқық қорғаў уйымлары басшылары, пуқаралардың өзин-өзи басқарыў уйымлары басшылары, халық депутатларының районлық Кеңес депутатлары, кәрхана, мекеме-шөлкем басшылары қатнасты.

 Қанлыкөл районы Жынаят ислери бойынша судының баслығы лаўазымына сайланған Абибуллаев Елиўбай Оңғарбаевич кандитатурасы жыйналыс қатнасыўшылары тәрепинен бир аўыздан қоллап-қуўатланды.