Электрон санлы имза гилтин бериў тәртиби



Электрон санлы имза - электрон ҳүжжеттеги мағлыўматтың электрон санлы имзаның жабық гилтинен пайдаланған ҳалда арнаўлы өзгерис нәтийжесинде пайда етилген ҳәм де электрон санлы имзаның жәрдеминде ашық түрде электрон ҳүжжеттеги мағлыўматта қәтелик жоқлығын анықлаў ҳәм электрон санлы имза жабық гилтиниң ийесин идентификациялаў имканиятын береди.

Өзбекстан Республикасы Министрлер Кабинетиниң 2018-жыл 10-майдағы «Мәмлекетлик хызметлер орайлары арқалы электрон санлы имза гилтин дизимге алыў ҳәм электрон санлы имза гилтиниң сертификатын бериў ҳаққында»ғы мәмлекетлик хызметлер көрсетиўдиң ҳәкимшилик регламенти тастыйықланды.

Регламент тийкарында, мәмлекетлик хызметлер орайлары арқалы электрон санлы имза гилтин дизимге алыў ҳәм электрон санлы имза гилтиниң сертификатын бериў ушын төлемлери ҳәм мәмлекетлик хызметин көрсетиў  мүддети 3 жумыс сааттан 40 минутқа қысқартылды.

Сондай-ақ, кәсип-өнер коллежлери ҳәм де академиялық лицейлери оқыўшыларына мәмлекетлик хызметлер орайлары арқалы электрон санлы имза гилтин дизимге алынып, гилти сертификатлары бийпул бериледи.

Буннан тысқары, электрон санлы имза гилтин дизимге алыў ҳәм гилтиниң сертификатын бериў бойынша район (қала) мәмлекетлик хызметлер орайларына шахстың өзи келген жағдайында,  Бирден-бир интерактив мәмлекетлик хызметлер порталы арқалы мүрәжат етиўи мүмкин.