Спортшыларымыз Өзбекстан Республикасы чемпионатына жолламаны қолға киргизди



 Усы жылдың 16-18-ноябрь күнлери пайтахтымызда спорттың гүрес түринен 2005-2007-жыллары туўылған өспиримлер ҳәм қыз-балалар арасында Қарақалпақстан Республикасы чемпионаты болып өтти.

 Онда Қанлыкөл районы Балалар өспиримлер спорт мектебиниң тәрбияланыўшылары Гүлшад Қәлимбетова (40 кг салмақ категориясында) 2-орын, Айдосғалий Махмудов (42 кг салмақ категориясында) 2-орын, Умида Ерманбаева (48 кг салмақ категориясында) 3-орынларды ийелеўге мияссар болды ҳәм 26-28-ноябрь күнлери Хорезм ўәлаятында болып өтетуғын Өзбекстан Республикасы чемпионатына жолламаны қолға киргизди.

 Мағлыўмат орнында, жас спортшыларымызды таярлаған тренер-устазлары Саламат Қурбаниязов, Жулдыз Төлепова ҳәм Рита Айтжанова. Өз гезегинде, тренерлерге район ҳәкимлиги атынан миннетдаршылық билдиремиз.

Қанлыкөл районы ҳәкимлиги Мәлимлеме хызмети