Депутатлар менен ушырасыў



 Қанлыкɵл районы ҳəкимлигинде 2020-2023-жылларда Қарақалпақстан Республикасын комплекс социал-экономикалық раўажландырыў ис-илажлары бағдарламасы бойынша ислениўи тийис ўазыйпалар ҳəмде Халық депутатлары районлық Кеңеси депутатларының мəжбүриятлары, алып барылыўы тийис ўазыйпалар, Өзбекстан Республикасы Президенти қарары тийкарында алдағы 3 жыл даўамында əмелге асырылатуғын жумыслар мазмунында ушырасыў ɵткерилди.

 Оған Қарақалпақстан Республикасы Кəсиплик аўқамлары шɵлкемлери бирлеспеси баслығы, сенатор У.Жəлменов, Қарақалпақстан Республикасы Министрлер Кеңеси баслығының Экология ҳəм Аралбойы регионын раўажландырыў мəселелери бойынша орынбасары Ж.Казбеков, район ҳəкими А.Ибрагимов, Нɵкис қаласы “Кардар ислеп шығарыў ɵнимлери” ЖШЖ директоры М.Шымбергенов ҳəмде Халық депутатлары Қанлыкɵл районлық Кеңеси депутатлары қатнасты.

 Ушырасыўды район ҳəкими А.Ибрагимов алып барды. Усы шеңберде, Қарақалпақстан Республикасы Кəсиплик аўқамлары шɵлкемлери бирлеспеси баслығы, сенатор У.Жəлменов сɵзге шығып, депутатлар алдында турған ўазыйпалар, мəжбүриятлар ҳəмде район кɵлеминде алдағы ўақытлары ислениўи зəрүр болған жумыслар бойынша пикирлерин ҳəм усынысларын билдирип ɵтти.

Қанлыкɵл районы ҳəкимлиги Мəлимлеме хызмети