Пуқаралар тәбийий газ есаплағышларын “госстандарт”тан өткериўи шәрт емес



 2021-жыл 1-августқа шекем республикамыздың барлық аймақларында тутыныўшыларға заманагөй есаплағышларды орнатыў, тәбийий газ бақлаўы ҳәм есабының автоматластырылған системасының толық жолға қойылыўы режелестирилген.

 Яғный, 2021-жыл 1-февральға шекем Ташкент ўәлаятының айрым районлары ҳәмде Ташкент, Әндижан, Бухара, Гулистан, Жиззах, Наманган, Нөкис, Самарқанд, Термиз, Үргенч, Қаршы сыяқлы қалаларда ҳәм басқа қарыздарлық дәрежеси жоқары болған аймақларда жаңа электрон есаплағышлардың орнатылыўы көзде тутылған.

 Жаңа электрон есаплағышлар “Ҳудудгазтаъминот” акционерлик жәмийети тәрепинен халыққа график тийкарында бийпул түрде орнатылады.

Газ есаплағышлардың “стандарттан өткериў” мүддети өткен болса да, 2021-жыл          1-августқа шекем есаплағышларды дәўирлик тексериўден өткериўдиң қәжети жоқ.

 Есаплағыш үскенесиниң дәўирлик тексериўден өткериў мүддети өткен болса-да, есаплаўлар ҳәзирде хожалықларда орнатылған есаплағышлар тийкарында әмелге асырылады.

Сонлықтан, 2021-жыл 1-августқа шекем ески көринистеги газ есаплағышларын “госстандарт”тан өткериў ушын Мәмлекетлик хызметлер орайлары арқалы мүрәжатлер қабыл етилиўи ўақтынша тоқтатып турылады.

Д.Қуденов,

Қанлыкөл районы МХО Мәмлекетлик

дизимнен өткериў ҳәм ҳүжжетлерди рәсмийлестириў

бөлим баслығы.