Сенатор Батыр Мəтмуратов Қанлыкөл районында болды



 Бүгин Олий Мажлис сенаты ағзасы Б.Мəтмуратов ҳəм Қарақалпақстан Республикасы Жоқарғы Кеңеси депутаты М.Шымбергенов, Өзбекстан Республикасы Президентиниң 2020-жыл 11-ноябрь сəнесинде қабыл етилген «2020-2023-жылларда Қарақалпақстан Республикасын комплекс социал-экономикалық раўажландырыў ис-илажлар ҳақкында»ғы қарарының орынланыў барысы менен танысыў мақсетинде, Қанлыкɵл районында болды.

 Сенатор ҳəм депутат Қанлыкɵл районына болған хызмет сапары даўамында, район ҳəкими А.Ибрагимов пенен биргеликте, аймақлардағы иске түсиў алдында турған объектлердиң қурылыс-монтаж жумыслары менен жақыннан танысты.

 Дəслеп, «Бескɵпир» АПЖ аймағынан қурылатуғын Мектепке шекемги билимлендириў шɵлкеминиң қурылыс орыны, усы аймақтағы «Агробизнес Қанлыкɵл» ЖШЖниң ҳəмде район орайынан бой тиклеген «Раъно» ЖШЖне қараслы жеке клиниканың жумыс барысы, сондай-ақ, «Наўрыз» АПЖ аймағындағы «Qonlikul ipagi» жеке кəрханасының қурылыс жумысларын кɵзден ɵткерип, ислеп шығарыў ҳəм хызмет кɵрсетиў объектлериниң əҳмийети район турмысында айрықша орын ийелейтуғынлығын атап ɵтти.

Қанлыкɵл районы ҳəкимлиги Мəлимлеме хызмети