ХАЛЫҚ ДЕПУТАТЛАРЫ ҚАНЛЫКӨЛ РАЙОНЛЫҚ КЕҢЕСИНИҢ ЖИГИРМА ЕКИНШИ СЕССИЯ МӘЖИЛИСИ



 Усы жылдың 8-январь күни Халық депутатлары Канлыкɵл районлық Кеңесиниң 22-сессиясы болып ɵтти. Сессия мəжилисине район ҳəкими А.Ибрагимов, “Өзбекнефтегаз” акционерлик жәмийети инвестиция жойбарларын әмелге асырыў департаменти баслығының орынбасары А.Сагдиев, Халық депутатлары районлық Кеңеси депутатлары, 4 сектор басшылары, суд-ҳуқық органлары ўəкиллери, ҳəким орынбасарлары, мəкеме, кəрхана, шɵлкем басшылары ҳəм ғалаба хабар қураллары ўəкиллери қатнасты.

 Сессияны район ҳəкими А.Ибрагимов басқарып барды. Сессия күн тəртибинде тɵмендеги мəселелер кɵрип шығылды.

 1. Қанлыкөл районы жынаят ислери бойынша суды тәрепинен 2020-жыл 12 ай даўамында әмелге асырылған жумыслары ҳаққында Қанлыкөл районы жынаят ислери бойынша суды баслығы Е.Абибуллаевтың мәлимлемеси туўралы,

 2. Қанлыкөл районы “Mәҳәллебай” үйрениўлер нәтийжесинде ислеп шығылған ис-илажлар дәстүрин тастыйықлаў ҳаққында,

 3. Қанлыкөл районында “Ҳаяллар даптери”не киритилген ҳаялларды кәсип-өнерге үйретиў, олардың бәнтлигин тәмийинлеў, бизнес басламаларын қоллап-қуўатлаў, социаллық қорғалыўын күйшейттириў ҳәм машқалаларын шешиў бойынша ис илажларды әмелге асырыў ҳаққында тийислилиги бойынша тараў ўəкиллериниң баянатлары тыңланды.

 Кɵрип шығылған мəселелер бойынша пикир ҳəм усыныслар киритилип, қарар жойбарлары тастыйықланды. Усының менен Халық депутатлары Қанлыкɵл районлық Кеңесиниң жигирма екинши сессиясы ɵз жумысын жуўмақлады.

Қанлыкɵл районы ҳəкимлиги Мəлимлеме хызмети