Халық депутатлары Қанлыкɵл районлық Кеңесиниң жигирма үшинши сессия мəжилиси ҳаққында мəлимлеме



 Усы жылдың 13-январь күни Халық депутатлары Канлыкɵл районлық Кеңесиниң 23-сессиясы болып ɵтти. Сессия мəжилисине район ҳəкими А.Ибрагимов, Өзбекстан Республикасы Олий Мажлиси Сенаты ағзасы У.Жəлменов, Халық депутатлары районлық Кеңеси депутатлары, 4 сектор басшылары, суд-ҳуқық органлары ўəкиллери, ҳəким орынбасарлары, мəкеме, кəрхана, шɵлкем басшылары ҳəм ғалаба хабар қураллары ўəкиллери қатнасты. Сессияны район ҳəкими А.Ибрагимов басқарып барды.

 Сессия күн тəртибине:

Өзбекстан Республикасы Президенти Ш.М.Мирзиёевтың 2020-жыл 29-декабрь күни Олий Мажлиске жоллаған Мүрәжатнамасының мазмун-әҳмийетин үгит-нәсиятлаў ҳәм белгилеп берилген баслы ўазыйпалардан келип шығып аймақлық бағдармаларды таярлаў ҳаққында;

Халық депутатлары Қанлыкөл районлық Кеңесиниң секретариат баслығын тайынлаў ҳаққында мәселелер киргизилди.

 Күн тәртибиндеги мәселелер бойынша депутатлар өзлериниң пикир ҳәм усынысларын билдирди. Соң көрилген маселелер бойынша районлық Кеңес депутатлары тәрепинен тийисли қарарлар қабыл етилди.

Қанлыкɵл районы ҳəкимлиги Мəлимлеме хызмети