Қанлыкөлде «Ғәлле 2018» көргизбели семинары өткерилди



Өзбекстан Республикасы Президентиниң 2018-жыл 29-май күнги «2018-жыл масақлы дән егинлери өнимин жыйнап алыў бойынша шөлкемлестириў ис-илажлары ҳаққында»ғы ПҚ-3574-санлы ҳәмде Қарақалпақстан Республикасы Министрлер Кеңесиниң 2017-жыл 1-июнь күнги 343-санлы қарарларына муўапық, 2018-жыл 6-июнь күнги 751/06-санлы Қанлыкөл районы ҳәкими шешими тийкарында, «Арзымбетқум» аўыл пуқаралар жыйынында «Садулла Қанлыкөл»  фермер хожалығында 2018-жыл 12-июнь күни «Ғәлле 2018» жыйын-терим мәўсимин нәтийжели өткериў бойынша көргизбели семинар өткерилди.

Район аймағында 305 пахта-ғәллешиликке қәнийгелестирилген фермер хожалықларында 2018-жыл өними ушын  жәми 5125 га майданларға ғәлле өними егилип, соннан мәмлекетлик реже 10 453 тонна (275 тонна туқымлық, 10 178 тонна товарлық дән өними) жетистириў белгиленип, жетистирилген өнимлерди қысқа ўақыт ишинде жыйнап алыў режелестирилген.

Сондай-ақ, жыйын-терим мәўсиминде жетистирилген масақлы дән өнимлерин жыйнап алыў ушын 10 отряд дүзилип, оларға 23 дана ғәлле орыў комбайнлары, 36 дана дән тасыўшы жүк автотранспортлары, 33 дана тракторлар менен 66 дана трактор тиркемелери ажыратылған.

Буннан тысқары, жумыс сапасын арттырыўда комбайнлардың үзликсиз ислеўин тәмийинлеў мақсетинде, ҳәр бир отрядқа 1 данадан техникалық хызмет көрсетиўши автомобильлер менен кепсерлеў агрегатлары бириктирилген.

Соның менен бирге, ғәлледен босаған майданларды тазалаў бойынша кестелер ислеп шығылып, 2019-жыл өними ушын жазғы шүдигарлаў жумыслары алып барылып, егиске таярлаў режелестирген.

Семинар көргизбесинде, Қарақалпақстан Республикасы Жоқарғы Кеңеси баслығы М.Ерниязов, Қарақалпақстан Республикасы Министрлер Кеңеси баслығының орынбасары С.Хожаметовлар қатнасты.