Судья пуқаралар мүрәжатларын үйренбекте



 Қанлыкөл районы Жынаят ислери бойынша суды баслығы Е.Абибуллаев тәрепинен район аймағындағы барлық мәҳәллелерде көшпели қабыллаўлар өткерилип, пуқаралар мүрәжатлары үйренилмекте.

 Нəўбеттеги қабыллаўлар "Мəденият" мәкан пуқаралар жыйыны ҳәм "Арзымбетқум", "Бостан", «Жаңа қала» аўыл пуқаралар жыйынларында шөлкемлестирилди. Қабыллаў барысында аймақ турғынлары тәрепинен алимент өндириў тәртиби, неке қурыў ҳәм некеден ажырасыў, турақ жайды атына өткериў, мүддетинен бурын пенсияға шығыў тәртиплери сыяқлы мәселелер тыңланды. Қабыллаўлар даўамында жәми 7 пуқараларға ҳуқықый кеңеслер берилип, келип түскен бәрше мүрәжатларға тийкарғы түсиниклер менен айрықша мағлыўматлар берип өтилди.