Қанлыкɵл районында елимизге белгили палўан, марҳум Жумабай Тɵребаевтың естелигине бағышланған Республика Ашық турнири болып ɵтти



 Усы жылдың 4-апрель сəнесинде Қанлыкɵл районы орайында жайласқан «Жайхун» футбол майданында елимизге белгили палўан, марҳум Жумабай Тɵребаевтың естелигине бағышланған Республика Ашық турнири болып ɵтти.

 Ашық турнирға республикамыздағы бəрше гүрес спорты шеберлери қатнасты. Қызғын беллесиўлерге бай тəризде ɵткерилген спорт жарысы жуўмақларына кɵре, 66 кг салмақ категориясында 1-орын Хорезм ўəлəятынан Ж.Адамбоев, 2-орын Шымбай районынан А.Нағметов, 3-орын Нɵкис қаласынан И.Әбдиреймов ҳəм Шымбай районынан А.Алламбергеновлерге несип еткен болса, 81 кг салмақ категориясында 1-орын Хорезм ўəлəятынан С.Куриязов, 2-орын Қоңырат районынан М.Юлдашов, 3-орын Қанлыкɵл районынан А.Бегалиевке буйырды. Улыўма салмақта 1-орын Әмиўдəрья районынан Э.Машарипов, 2-орын Қоңырат районынан Э.Айтбаев ҳəм 3-орынды Самарқанд ўəлəятынан С.Неъматов ҳəм Хорезм ўəлəятынан Б.Болтаев ийеледи.

 Ашық турнир жеңимпазлар шɵлкемлестириўшилер тəрепинен медаль, диплом ҳəм қымбат баҳалы саўғалар менен сыйлықланды.