Жаслар мəнəўиятын раўажландырыў ҳəм китапқумарлықты үгит-нəсиятлаў мақсетинде



 Өзбекстан Республикасы Президенти Ш.М.Мирзиёевтың 2019-жыл 19-март күни ɵткерилген видеоселектор мəжилисинде белгилеп берилген 5 əҳмийетли басламаның тɵртинши бағдары яғный «Жаслар мəнəўиятын раўажландырыў ҳəм олар арасында китапқумарлықты үгит-нəсиятлаў» бойынша, Қанлыкɵл районы кəсип-ɵнер мектебинде, «Китапқумарлық ҳəптелиги» шеңберинде топарлар арасында «Ең билимдан китапқумар» таңлаўы шɵлкемлестирилди.

 Таңлаў барысында топарлар үш шəрт негизинде ɵз-ара беллести. Беллесиўлерде түрли əдебиятлар бойынша сораў-жуўаплар ɵткерилди. Таңлаў жуўмақларына кɵре, ең китапқумар оқыўшылар жеңимпаз болып, шɵлкемлестириўшилер тəрепинен диплом ҳəмде естелик саўғалары менен сыйлықланды.