Ҳəр бир мүрəжат – итибарда



 Халықтың мүрəжатларын тыңлаў, олар менен тығыз байланыс орнатыў, ашық сəўбетлер шɵлкемлестириў – бүгинги күнде айрықша əҳмийетке ийе мəселелерден саналады. Өйткени, ҳəзирги ўақытта мəмлекетимиз тəрепинен əмелге асырылып атырған баслы бағдарлардан бири.

 Бүгин Қанлыкөл районы «Дослық» мəкан пуқаралар жыйыны аймағында жайласқан районлық Мәмлекетлик хызметлер орайының киши мәжилислер залында, район ҳəкими А.Ибрагимов, сектор баслықлары, район ҳәкимлиги ҳәмде тийисли мәкеме, кəрхана, шөлкемлер қатнасында, аймақ турғынларының машқалаларын үйрениў, пуқаралар менен ашықтан-ашық сөйлесиў мақсетинде қабыллаў болып өтти.

 Қабыллаў барысында, пуқаралардың кем тəмийинленген шаңарақларға əмелий жəрдем бериў, ишимлик суўы, газ, жоллар, жаслар ҳəмде халық бәнтлиги, сондай-ақ, басқа да социаллық тараўлар бойынша бир қатар мәселелери тыңланды. Аймақта болып өткен қабыллаўда жәми 10 мүрәжат келип түскен болса, соннан, 6 мүрәжат сол жердиӊ өзинде унамлы шешим тапты ҳәм 4 мүрәжат бойынша ҳуқуқый түсиниклер берилди.

Қанлыкөл районы ҳәкимлиги Мәлимлеме хызмети.