Семинар болып ɵтти



 Жынаят ислери бойынша Қанлыкөл район суды баслығы Е.Абибуллаев, Қанлыкѳл район прокуратурасы ҳәм ишки ислер бѳлими басшылары ҳәм Қанлыкѳл районы халық депутатлар кеңеси менен биргеликте тәрепинен Қанлыкөл районы ҳәкимлиги мәжлислер залында Жол картасының 60-бәнтинде суд, прокуратура, ишки ислер органлары, халық депутатлары район (қала) Кеңеслери менен жынаятшылық ҳәм ҳуқықбузарлықлардың алдын алыў ҳәм оларға келесиде жол қоймаў бойынша ҳәмде Жол картаның
70-бәнтинде судьялар, прокурорлар ҳәм ишки ислер органлары жуўапкер хызметкерлери тәрепинен аймақтағы мәмлекетлик органларда “Коррупцияға байланыслы ҳуқықбузарлықларға қарсы гүресиў, оларға имкан бериўши себеп ҳәм шәрт-шараятларды сапластырыў”, “Коррупция – глобал ҳәм әҳмийетли машқалалардан бири”, Ѳзбекстан Республикасы Президенти Ш.Мирзиёевтың баянатларында коррупцияға қарсы гүресиў мәселелери, “Коррупция жынаятлары ҳәм оларды квалификация қылыўдың ѳзине тән қәсийетлери” ҳәм “Мәмлекетимизде коррупцияға қарсы гүресиў барысында әмелге асырылып атырған кең кѳлемли реформалар” темаларында район депутатлары, барлық мекеме-кәрхана басшылары, ҳуқық қорғаў уйымлары хызметкерлери, мәҳалле басшылары қатнасыўында  семинар ҳәм үгит нәсият жумыслары алып барылды.

 Семинар қатнасыўшыларына, 2017-жыл 3-январь күни “Коррупцияға қарсы гүресиў ҳаққында”ғы Ѳзбекстан Республикасы Нызамы ҳәм 2017-жыл 2-февраль күни “Коррупцияға қарсы гүресиў ҳаққында”ғы Ѳзбекстан Республикасы Нызамының қағыйдаларын әмелге асырыў ис-иләжлары ҳаққында”ғы Ѳзбекстан Республикасы Президентининг ПҚ-2752-санлы қабыл етилген қарарын, Ѳзбекстан Республикасы Президентиниң 2019-жыл   27-майда “Ѳзбекстан Республикасында коррупцияға қарсы гүресиў системасын жәнеде жетилистириў ис-иләжлары ҳаққында”ғы ПП-5729-санлы Пәрманы, 2020-жыл 29-июнда “Ѳзбекстан Республикасында коррупцияға қарсы гүресиў системасын жетилистириў бойынша қосымша ис-иләжлар ҳаққында”ғы ПП-6013-санлы Парманы ҳәм Ѳзбекстан Республикасы Коррупцияға қарсы гүресиў агентлиги шѳлкемлестирилгенлиги ҳәмде бул бағдарда әмелге асырылып атырған ислер ҳаққында кеңнен түсиник берип өтти. Семинар соңында қатнасыўшылар тәрепинен өзлерин қызықтырған сораўларға район суд баслығы тәрепинен тийисли жуўаплар берилди.