Жер участкаларын меншиклестириў жәнеде әпиўайыластырылады



 Усы жылдың 14-февраль күни «Аўыл хожалығына мөлшерленбеген жер участкаларын меншиклестириў ҳаққында»ғы θзбекстан Республикасы Министрлер Кабинетиниң 71-санлы қарары қабыл етилди.

 Оған көре θзбекстан Республикасы пуқаралары ҳәм юридик шахсларға турақлы пайдаланыў (ийелик етиў),  ижара ҳәм мийрас етип қалдырылатуғын өмирлик ийелик етиў ҳуқықы тийкарында тийисли болған жер участкаларын меншиклестириў ушын арза бериўшилер жер участкалары жайласқан тийисли аймақтағы Мәмлекетлик хызметлер орайларына өзи келген ҳалда яки мәмлекетлик хызметтен електрон пайдаланыў ушын мй.гов.уз порталы арқалы дизимнен өтеди.

 Арза бериўши мәмлекетлик хызметтен пайдаланғанда сораўнама толтырылады ҳәм арза сол күнниң өзинде «Yerxususiylashtirish» AAT арқалы район қурылыс бөлими ҳәм Мәмлекетлик кадастр палатасы район (қала) филиалына келип түседи.

 Ўакилликли органлар бес жумыс күн даўамында арзаны үйренип шығады ҳәм бирден бир биллинг системасында «Yerxususiylashtirish» AAT мағлыўматлары тийкарында меншиклестирилип атырған жер участкасын сатып алыў ушын есап бетин пайда етеди ҳәм хабарнамаға қосымша етеди.

 Арза бериўши төлем бойынша хабарнама келип түскеннен баслап 10 жумыс күни ишинде жер участкасын меншиклестириў ушын төлемди әмелге асырыўы зәрүр.

 Төлем толық әмелге асырылғаннан соң 3 жумыс күнинде мәмлекетлик ордер менен биргеликте көшпес мүлкке болған ҳуқықтың мәмлекетлик реестрден көширмени арза бериўшиниң електрон мәнзилине жибереди ҳәм бул ҳаққында оны хабардар етеди.

 Усы регламент киши санаат,  жаслар санаат ҳәм исбилерменлик зоналары қатнасыўшыларына берилген жер участкаларына енгизилмейди.

 

 

Қанликөл районы Әдиллик бөлимиМәмлекетлик

хызметлер орайы бөлим баслығы  Д.Қуденов