Социаллық қорғаўға мүтәж пуқараларға итибар



Өзбекстан Республикасы Ғәрезсизлигиниң 27 жыллығы байрамы мүнәсибети ҳәмде Өзбекстан Республикасы Президентиниң 2017-жылдың 12-январь күнги  «Нагиранлығы бар болған пуқараларды мәмлекет тәрепинен қоллап-қуўатлаў системасын түптен жетилистириў ис-илажлары ҳаққында»ғы қарары талапларына муўапық, Қанлыкөл районында бир қатар жумыслар әмелге асырылмақта.

Қанлыкөл районы ҳәкимлиги менен районлық медицина бирлеспеси тәрепинен халықтың  социаллық қорғаўға мүтәж қатламын қоллап-қуўатлаў мақсетинде, район аймағындағы үй шәраятындағы имканияты шекленген пуқаралардың үйлерине барып, социаллық жағдайлары үйренилди, аўҳалларынан хабар алынып, байрам менен қутлықлады.

Аймақлардағы пуқаралардың билдирген усынысы тийкарында,  «Қосжап» аўыл пуқаралар жыйынында жасаўшы Қадиримбетов Елгелди,  «Дослық» мәкан пуқаралар жыйынында жасаўшы Уснатдинова Ақшагүл ҳәмде «Арзымбетқум» аўыл пуқаралар жыйынында жасаўшы Қалбаев Тилепбайларға майыплар арбашалары тапсырылды.