Наргиза «Central Asia-2019» жолламасын қолға киритти



Өзбекстан Республикасы Президентиниң китап оқыў ҳәм китап оқыў мәдениятын асырыў, китап өнимлерин баспадан шығарыў бойынша пәрман ҳәм қарарларының талап ҳәм тапсырмаларының орынланыўы барысында, Өзбекстан Республикасы Бас ўәзири тәрепинен Республика ахборот китапхана системасы жумысын муўапықластырыў бойынша 2018-жыл 9-апрелде тастыйықланған мекемелераралық кеңес мәжилисиниң баянламасының орынланыўы бойынша басқышпа-басқыш «Ахборот китапхана мекемелериниң ең жақсы қәнигеси-2018» кәсиплик көрик таңлаўы өткерилип келинбекте.

«INFOLIB-2018» VII Миллий ахборот китапханасы ҳәптелиги шеңберинде өткерилген «Ахборот китапхана мекемелериниң ең жақсы қәнигеси-2018» кәсиплик көрик таңлаўының Өзбекстан Республикалық басқышында Қанлыкөл районы мәлимлеме ресурс орайы хызметкери Оразбаева Наргиза Рустемовна қатнасып сыйлы орынды алыўға мияссар болды ҳәмде 2019-жыл апрел айында өтетуғын «Central Asia-2019» пән, тәлим, мәденият ҳәм бизнесте интернет ҳәм ахборот китапхана ресурслары» XIII Халықаралық конференциясында қатнасыў «Сертификат»ларына ийе болды.