Ҳаял-қызларда спорт ҳәптелиги



«Спорт саламатлық гиреўи» темасында халықтың барлық қатламлары арасында миллий спорт түрлериниң ғалабалығына ерисиў, саламат турмыс тәрзин сақлаўда спорттың әҳмийети бағдарында үгит-нәсият жумыслары  барысында спорт тараўында алып барылып атырған илажлар шеңберинде барлық орынларында спорт ҳәптеликлери өткерилмекте.

Қанлыкөл районы Ҳаял-қызлар комитети тәрепинен усы жылдың 5-11-ноябрь күнлери «Ҳаял-қызлар спорт ҳәптелиги» шеңберинде, район аймағындағы барлық пуқаралардың өзин-өзи басқарыў уйымларында, билимлендириў мекемелери менен мәмлекетлик мекемелерде ҳаял-қызлар қатнасында азанғы шынығыўлар шөлкемлестирилди.

Буннан тысқары, районлық ҳаял-қызлар комитети тәрепинен ҳаял-қызлар арасында әсиресе аймақлардағы жәмлеспеген ҳаял-қызлар арасында спорттың шахмат-шашка, жеңил атлетика, арқан тартыс, көркем гимнастика, волейбол, стол-тенниси түрлеринен жарыслар өткерилди.

Жарысларда жеңимпазлар естелик саўғалары менен сыйлықланды.

Районда спорт ҳәптеликлери даўам етпекте.