Hayal-qızlarda sport hápteligi



 «Sport salamatlıq girewi» temasında xalıqtıń barlıq qatlamları arasında milliy sport túrleriniń ǵalabalıǵına erisiw, salamat turmıs tárzin saqlawda sporttıń áhmiyeti baǵdarında úgit-násiyat jumısları  barısında sport tarawında alıp barılıp atırǵan ilajlar sheńberinde barlıq orınlarında sport háptelikleri ótkerilmekte.
Qanlıkól rayonı Hayal-qızlar komiteti tárepinen usı jıldıń 5-11-noyabr kúnleri «Hayal-qızlar sport hápteligi» sheńberinde, rayon aymaǵındaǵı barlıq puqaralardıń ózin-ózi basqarıw uyımlarında, bilimlendiriw mekemeleri menen mámleketlik mekemelerde hayal-qızlar qatnasında azanǵı shınıǵıwlar shólkemlestirildi.
Bunnan tısqarı, rayonlıq hayal-qızlar komiteti tárepinen hayal-qızlar arasında ásirese aymaqlardaǵı jámlespegen hayal-qızlar arasında sporttıń shaxmat-shashka, jeńil atletika, arqan tartıs, kórkem gimnastika, voleybol, stol-tennisi túrlerinen jarıslar ótkerildi.
Jarıslarda jeńimpazlar estelik sawǵaları menen sıylıqlandı.
Rayonda sport háptelikleri dawam etpekte.