Өзбекстан Республикасы Олий Мәжилис депутаты З.Ханиязов Қанлыкөл районында болды



2018-жыл 11-ноябрь күни Өзбекстан Республикасы Олий Мәжилис Нызамшылық палатасы депутаты З.Ханиязов Қанлыкөл районында болып, район ҳәкими қатнасында Халық депутатларының Қанлыкөл районлық Кеңес депутатлары менен ашық сәўбетлесиў өткерилди.

Сәўбетлесиў барысында, халық депутатларының районлық Кеңес депутатлары тәрепинен район аймағындағы пуқаралардың өзин-өзи басқарыў уйымларында алып барып атырған жумыслары менен өткерилип атырған илажлары сондай-ақ, аймақ халқы менен ушырасыўлар өткерилип, оларда пуқаралар әсиресе жасларының мүрәжатлери менен тилек, өтинишлери тыңланып, анықланған машқалаларға өз орнында шешими табылып, 2019-жылғы «Жол картасы» мәмлекетлик дәстүрине киритилген мүрәжатлардың сапластырылыўы бойынша ўазыйпалар белгилеп алынды.

Сондай-ақ, район аймағындағы «KANTEKS INVEST» жип ийириў ҳәм қайта ислеў фабрикасын барып көрди ҳәм фабриканың ҳәзирги күндеги жағдайы менен танысты.

Буннан кейин районлық көп тармақлы медицина бирлеспесинде болып, емлеўханадағы халықтың саламатлығын сақлаўдағы медицина хызметкерлериниң жумыслары ҳәмде тараўдағы ушырасып атырған машқалаларды сапластырыў бойынша тийисли тараў ўәкиллерине тапсырмалар берилди.