Paraxorlıqqa qarsı ilajlar



Korrupciya hár qanday jámiyettiń siyasiy hám ekonomikalıq rawajlanıwına zıyan jetkeredi, mámlekettiń konstituciyalıq tiykarların hámde jámiyettiń mánawiy tiykarların, demokratiyalıq institutlar hám nızam ústemligin kushsizlentiredi, puqaralardıń huquq hám erkinlikleriniń qatal túrde buzılıwına alıp keledi. Korrupciya jámlesken jınayatshılıqtı, terrorizmdi hám insaniyat qáwipsizligine qarsı qaratılǵan basqa qáwiplerdiń ósiwine járdem beredi.

Korrupciya-illet, rawajlanıwǵa tosıq. Mámleketimizde ǵárezsizlik jıllarında usı illetke qarsı bir qatar is-ilajlar kompleksi islep shıǵılıp, nátiyjeli ámelge asırılmaqta.

Mámleketimizde korrupciyanıń aldın alıwǵa qaratılǵan xalıqaralıq hújjetler ratifikaciya qılınıp, korrupciya hám jınayatshılıqqa qarsı milliy nızamshılıq sisteması jaratılǵan. Yaǵnıy, BMSh tárepinen 1997-jılda qabıl etilgen Ɵzbekstan Respublikasınıń Milliy qáwipsizlik koncepsiyasında, korrupciya-mámlekettiń milliy qáwipsizligine qarsı qáwiplerdiń biri dep táriyp berilgen. Usı maqsette «Jámiyette huquqıy mádeniyattı rawajlandırıw, Milliy dástúri» qabıl etilip, turmısqa engizilgen konvenciyaǵa Mámleketimiz 2008-jıl 7-iyulda qosıldı.

Prezidentimizdiń 2017-jıldıń 2-fevral kungi qabıl etilgen «Korrupciyaǵa qarsı gúresiw haqqında»ǵı Ózbekstan Respublikası Nızamınıń qaǵıydaların ámelge asırıw is-ilajları haqqında»ǵı  PQ-2752 sanlı qararı, usı baǵdarda ámelge asırılıp atırǵan ilajlardı jánede kúsheytti.

Házirgi kúnde jáhán kóleminde eń birlemshi máselelerden biri korrupciya mashqalası bolıp, oǵan qarsı gúresiw xalıqaralıq dárejege kóterilip, jáhán siyasatınıń áhmiyetli máseleleriniń birine aylandı.

Sońǵı jıllarda mámleketimizde isbilermenler, kishi biznes subektlerine «Bir ayna» principi boyınsha kórsetilgen mámleketlik xızmetler, birden-bir interaktiv portal arqalı elektron túrde jiberilmekte.

Sonday-q, nızam hújjetlerine, mámleketlik shólkemlerdiń jumıs xızmetinde ashıqlıq, áshkáralıqtı támiyinlewge kiritilgen ózgerislerde korrupciyanı boldırmawǵa tiykar jaratılıp, puqaralar tárepinen ózgerisler qollap-quwatlamaqta.