Қанлыкөл районында 1-декабрь Қарақалпақ тилине мәмлекетлик тил бийлиги берилген күни көтериңки руўхта өткерилди



 

Қарақалпақстан Республикасы Жоқарғы Кеңесиниң сессиясында 1989-жыл 1-декабрь күни қарақалпақ тилине мәмлекетлик тил бийлиги берилди. Қарақалпақстан Республикасының «Мәмлекетлик тил туўралы» Нызамының 1-бабында «Қарақалпақ тили – Қарақалпақстан Республикасының Мәмлекетлик тили болып табылады. Қарақалпақстан Республикасы өзиниң аймағында тилге байланыслы барлық мәселелерди шешиў ҳуқықына ийе», - деп көрсетилген.

Қанлыкөл районы 1-декабрь Қарақалпақ тилине мәмлекетлик тил бийлиги берилген күни мүнәсибети менен байрам кешеси көтериңки руўхта өткерилди.

Байрам кешесинде, «Қарақалпақ тили тарийхы ҳәм бүгини»,  «Қарақалпақ тилиниң социаллық мекемелер ҳәм хызмет көрсетиўши мекемелердеги қолланылыў жағдайы» темаларда баянатлар тыңланды.

Сондай-ақ, мектеп оқыўшыларының байрамға арналған түрли цитаталары менен «Шайырлар қәлеминде қарақалпақ тилиниң жырланыўы» атамасындағы белгили шайырларымыздың қосықларынан ҳәм бүгинги күндеги жәмийетлик орынлар менен үйдеги қарақалпақ тилинде сөйлеў мәдениятының қолланылыў жағдайларын сүўретлейтуғын сахналық көринислери менен районлық мәденият тараўы хызметкерлериниң концерт бағдарламасы инәм етилди.