Жәмийетлик медициналық волонтёрлар ушын семинар тренинг



 

Өзбекстан Республикасы ҳүкимети Бирлескен Миллетлер Шөлкеми менен «Арал бойы аймағы ушын инсан қәўипсизлиги бойынша көпшериклик фондын шөлкемлестириў арқалы Арал теңизи апатшылығынан жәбир көрген халықтың турмыс шәраяты мүмкиншиликлерин беккемлеў» бойынша дүзилген Бирликтеги бағдарламасы тийкарында Қанлыкөл районында халықтың арасынан медицина мәселелеринде жәмийетлик ықтиярлыларды (волонтёрлар) таярлаў бойынша қоспа бағдарламаның турақлы ўәкили тренер М.Тәжимуратов тәрепинен семинар тренинг өткерилди.

Семинар тренингте тийкарынан Бирликтеги бағдарламаның мақсетин яғный волонтёрлар хызметин түсиндириў, аймақларда жасаўшы пуқаралар арасында республикамыздағы тәбийий ықлымның өзгериўи ҳәм экологиялық жағдайдың төменлеўи нәтийжесинде өкпе, жүрек, қан тамыр, асқазан ишек кеселликлери менен наўқасланыў дәрежеси ҳәмде ана ҳәм бир жасқа шекемги балалар арасында кеселликлердиң артыўының  алдын алыў,  олардың келип шығыўы, жуғыў жоллары, белгилери ҳаққында түсиниклерди қәлиплестириў, әсиресе шетки аўыллық жерлерде жасайтуғын халықтың саламат турмыс тәризин беккемлеўге қаратылған.

Қарақалпақстан Республикасы Ден саўлықты сақлаў министрлиги менен биргеликте әпиўайы халықтың медициналық билим дәрежесиниң артыўы, медициналық мәденияттың қәлиплестириў бойынша 2012-жылдан баслап әмелге асырылып киятырған жойбар бойынша бес район: Мойнақ, Шоманай, Кегейли, Қараөзек, ҳәм Нөкис районлары болса, кейин жойбарды  әмелге асырыў бойынша және Қоңырат, Тахтакөпир, Хожели, Қанлыкөл, Шымбай районлары жәми он район қамтып алынған болып, бирликтеги бағдарлама Өзбекстан Республикасы Ҳүкимети, БМШ ниң Өзбекстан Республикасында жумыс алып барып атырған БМШРБ, ЮНЕСКО, ЮНФПА ҳәм БМШЫБ агентликлери менен биргеликте әмелге асырылмақта.

Еки күн даўамында өткерилген илажда волонтёрлар ушын «Өкпе, жүрек, қан тамыр, асқазан – ишек кеселликлериниң алдын алыў» бойынша иллюстрациялық оқыў қолланбасы тарқатылды.