Жаслар фестивалы Қанлыкөлде



Өзбекстан Республикасы Конституциясының 26 жыллығы мүнәсибети менен «Өзбекстан жаслары – жаңа заман қурыўшылары!» сүренинде Өзбекстан Жаслар аўқамы Қарақалпақстан Республикалық Кеңеси тәрепинен белгиленген реже тийкарында Өзбекстан Жаслар аўқамы Қанлыкөл районлық Кеңеси тәрепинен районда жаслар фестивалы өткерилди.

Фестиваль даўамында «Жаслар менен ашық сөйлесиў», «Келешек қурыўшылары», «Жетискенликке ерисиў сырлары», «Агросаяхат», «Бизнес саяхат» атамасындағы жойбарлар, «Жаслар спартакиадасы» спорт жарыслары, «Беккем шаңарақ сыры», «Келешек фермери», «Музейге саяхат», «Балаларға бериң дүньяны» атамаларындағы үгит-нәсиятлаў илажлары, жойбарлар шеңберинде ушырасыў кешелери шөлкемлестирилди.

Сондай-ақ, «Бизнес саяхат» жойбары шеңберинде исбилерменлик жумысына қызығыўшы жаслар ушын аймақлардағы кәрханаларға,  «Агросаяхат» жойбары шеңберинде фермер хожалықларында жумыс баслаў нийетинде болған жасларға райондағы көп тармақлы фермер хожалықларына ҳәмде «KANTEKS INVEST» жип ийириў ҳәм қайта ислеў фабрикасына саяхат шөлкемлестирилип, олар таярлаў ҳәм өндирис процесслери менен жақыннан таныстырылды, кәрхана басшылары менен ушырасыўлар шөлкемлестирилди.

 «Жаслар спартакиадасы» шеңберинде спорттың мини-футбол, баскетбол, волейбол, шахмат-шашка, стол тенниси, көркем гимнастика түрлери бойынша спорт жарыслары шөлкемлестирилип, жойбарларда ҳәм басқа да тараўларда ҳәр тәреплеме белсендилик пенен қатнасқан бир қатар жаслар шөлкемлестириўшилер тәрепинен сыйлықланды.