Қанлыкөл районында «Көшпели қабыллаў» шөлкемлестирилди



Өзбекстан Республикасы Президентиниң Админстрациясы жуўапкер хызметкери И.Юсупов, Өзбекстан Республикасы Президентиниң Қарақалпақстан Республикасы Халық қабыллаўханасы баслығы Ҳ.Ҳалимов ҳәм басқада тийисли тараў басшылары менен биргеликте халықтың социаллық жағдайын жақсылаў ҳәм ушырасып атырған машқалалардың шешимин табыў мақсетинде Қанлыкөл районы «Жайҳун» мәкан пуқаралар жыйынында «Көшпели қабыллаў»  шөлкемлестирилди.

 «Көшпели қабыллаў»да халықтың социаллық турмыс жағдайы, орын алып атырған машқалалар бойынша физикалық ҳәм юридикалық шахслардан  жәми 16 түрли мазмундағы қабыл етилген мүрәжатларда билдирилген усыныслардан 12 мүрәжат усы жердиң өзинде шешимин тапты.

Район аймағындағы мәмлекетлик мекеме, кәрханалардың басшылары менен жеке пуқаралар қатнасында өткерилген қабыллаўда ден-саўлығын сақлаўда емлениўи ушын жоллама алыў, бәнтлигин тәмийинлеў ҳәм исбилерменлигин баслаўы ушын кредит алыў, турар жайы ҳүжжетлерин рәсмийлестириў ҳәмде жол транспорт хызметлери сапасын жақсылаў мәселелериндеги мүрәжатларды унамлы шешиў бойынша тийисли тараў басшыларына тапсырмалар берилди. 

Соның менен бирге, илаж даўамында, аўыллық шаңарақ поликлиникалары ҳәм аўыллық шыпакерлик пунктлериниң алыс аймақлардағы пуқаралардың саламатлығын бақлап баратуғын 20 патронаж мийрибикелерине велосипедлер саўға етилди. Бул мийрибикелердиң жумысын жеңиллестирип, хызмет сапасының жақсыланыўына хызмет етеди.