Социаллық қорғаўга мүтәж халыққа жаратылған жеңилликлер



Ҳүрметли Президентимиз итибары менен ишки ислер уйымы тараўында да раўажланыў, тараўдың материаллық техникалық базасын беккемлеў, ишки ислер уйымы хызметкерлери хызмети нәтийжелилигин жәнеде арттырыў бағдарында жаратылған шараятлар, тек ғана тараў хызметкерлери ушын емес, халқымыз ҳуқықый мәдениятының артыўына ҳәм турмыс абаданшылығының жәнеде беккемлениўине хызмет қылмақта.

Қанлыкөл районы ишки ислер бөлими миграция ҳәм пуқаралықты рәсмийлестириў бөлимшеси тәрепинен район аймағында халықтың ҳуқықый сана ҳәм мәдениятын, саўатлылығын арттырыў, паспорт-виза қәделериниң сақланыўын тәмийинлеў бойынша өткен жыл даўамында район аймағындағы 3340 шаңарақта жасаўшы 13 360 пуқаралардың ҳүжжетлери көрилгенде, 91 паспорт виза қәделерин бузған пуқаралар анықланып, белгиленген тәртипте жәриймаларға тартылды.

 Паспорт-виза қәделериниң сақланыўы бойынша 16 мәкеме, кәрхана шөлкемлер ҳәм оқыў орынларына тексериўлер алып барылып, жәми 1734 пуқараға Өзбекстан Республикасы пуқаралығы паспортлары, 61 пуқараға пуқаралық паспорты жоғалыўы ҳәм басқада жағдайларға байланыслы тийисли тәртипте пуқаралық паспортлары берилди.

Сондай-ақ, район ҳәкимлиги менен биргеликте район аймағындағы барлық мәкеме, кәрхана ҳәм шөлкемлер, оқыў орынларында ислеўши пуқаралар ҳаққында 2013-2018-жыллар ушын арнаўлы ислеп шығылған кесте тийкарында жәми 32 080 пуқара ҳүжжетлестирилип, пуқараларды жаңа биометриялық паспорт пенен тәмийинлеў режеси 99 пайызға орынланды.

Соның менен бирге, районлық ишки ислер бөлими миграция ҳәм пуқаралықты рәсмийлестириў бөлимшесиниң жумыс нәтийжелилигин арттырыў бойынша ҳәмде пуқаралардың социаллық мүтәжликлерин орынлаў мақсетинде физикалық имканияты шекленген бир қатар пуқаралардың үйлерине барып пуқаралық паспортлары таярланылып,  пуқараларға тапсырылды.