Қанлыкөл районында экологиялық шембилик  өткерилди



Өзбекстан Республикасы Министрлер Кабинетиниң 2019-жыл 22-январь күнги 41-ф-санлы бийлиги тийкарында «Елимизди еледе абат қылайық!» ураны менен Канлыкөл районы аймағында 2019-жылдың 26-январь күни улыўма халықлық экологиялық қайырқомлық шембилиги өткерилди.

Шембилик илажлары шеңберинде, улыўма халықлық экологиялық шембилиги Арал бойындағы экологиялық жағдайлар ақыбетлерин жумсартыў барысындағы басламалар ҳәм ҳәрекетлер қоллап-қуўатлаўлар, аймақлардағы халықтың жасаў жағдайын жақсылаўға қаратылды, сондай-ақ, бәҳәрги мәўсимге таярлық көриў, көп қабатлы үйлер ҳәм имаратлар, еслеў майданлары,  жап-салмалар, көшелер ҳәм пиядалар жүрер жолы менен балалар майданшаларын тазалаў, тереклерди ҳәклеў ҳәм форма бериў, абаданластырыў, оңлаў-тиклеў, аймақларды қурылыс ҳәм турмыс шығындыларынан тазалап, санитария ҳәм экология нормаларына муўапықластырыў, әтираптың экологиялық жағдайын жақсылаў жумыслары алып барылды.

Экологиялық шембилик илажлары күн даўамында алып барылып, район аймағындағы 82 мекеме, кәрхана ҳәм шөлкемлерден жәми 39 114 (19 416 жаслар) пуқаралардың қатнасында 21,7 км  жап-салмалар менен  аймақларда 130,4 га  жер майданлары тазаланды. Орынлардағы абаданластырыў жумысларынан жыйналған 144,5 тонна  шығындылар тийисли кәрханалар менен «Тоза худуд» мәмлекетлик унитар кәрханасы тәрепинен арнаўлы белгиленген орынларға алып таслаў барысында 15 дана автотранспортлардан пайдаланылды.

Район аймағында улыўма халықлық экологиялық қайырсақаўатлық шембилиги шөлкемлескенлик пенен өткерилди.