Ҳуқықбузарлық ҳәм жынаятшылыққа қарсы илаж



Қанлыкөл районы ҳәкимлиги менен Өзбекстан Жаслар аўқамының районлық Кеңеси ҳәмде районлық ишки ислер бөлими менен биргеликте Өзбекстан Республикасы Президентиниң 2018-жыл 4-декабрь күнги «Қарақалпақстан Республикасында жәмийетлик тәртипти сақлаў ҳәм ҳуқықбузарлықлар профилактикасы системасының нәтийжелилигин арттырыў бойынша илажлар ҳаққында»ғы бийлигиниң орынланыўы бойынша жаслар менен сәўбетлесиў өткерилди.

Сәўбетлесиў даўамында, жынаятшылықтың алдын алыў, оған қарсы биргеликте гүресиўде пуқаралардың ҳуқықый мәдениятын арттырыў, жасларды ўатанды сүйиўшилик руўхында тәрбиялаў, улыўма билим бериў мектеплеринде жасларды шақырыққа шекемги басланғыш таярлаў пәнин оқытыўды жетилистириў, бөлмелерди арнаўлы көрсетпели қураллар менен тәмийинлеў ҳәм басқа да бир қатар әҳмийетли мәселелер додаланып, жол қойылып атырған кемшиликлерди сапластырыў бойынша тийисли шешимлер қабыл етилди.

Сондай-ақ, жаслар арасында ушырасып атырған машқалалар ҳәм алда турған ўазыйпалар бойынша ҳәмде бийликтиң орынланыўын тәмийинлеў бойынша «Жол картасы» ислеп шығылды.

Сәўбетлесиў илажында жаслар өзлериниң түрли мазмундағы сораўларына жуўаплар алды.