Халық депутатларының Қанлыкөл районлық Кеңесиниң гезектеги сессия мәжилиси



Халық депутатларының Қанлыкөл районлық Кеңесиниң гезектеги сессия мәжилиси болып өтти.

  Сессия мәжилиси күн тәртибинде, Өзбекстан Республикасы Министрлер Кабинетиниң 2019-жыл 9-январь күнги «Фермер хожалықлары ҳәм басқа аўыл хожалығы егин майданларын оптималластырыў ҳәмде аўыл хожалығы егин майданларынан нәтийжели пайдаланыўға байланыслы қосымша ис-илажлары ҳақкында»ғы 14-санлы қарары талапларының орынланыўын тәмийинлеў мақсетинде, Қарақалпақстан Республикасы Нызамының «Жергиликли мәмлекетлик ҳәкимияты ҳақкында»ғы 24-статьясына муўапық, район аймағындағы ҳәрекеттеги 300 ден аслам фермер хожалықларының жер майданларын оптималластырыў, жер майданларын район ҳәкимлиги жер фондына қайтарып алыў мәселеси қарап шығылды.

Сессия мәселе бойынша, қарардың тийисли бәнтлери тийкарында, район аймағындағы жумыс алып барып атырған бир қатар аўыл хожалығы дийқан фермер хожалықларының өз арзалары менен жер майданлары ижара шәртнамалары бийкар етилди.

Сондай-ақ, районлық исши топар тәрепинен ҳәкимият захирасына қайтарылған жер майданларына талабанлардың ҳүжжетлерин қабыллап алыў ҳәмде ҳәр тәреплеме үйрениў барысында белгиленген тараў бойынша қәнийгелестирилгенлиги белгиленген талапларға жуўап беретуғын талапкерлер таңлап алынды.

         Талапкер фермерлер 2019-жыл ҳасылы ушын егилген ғәлле майданларында егиў ҳәм шүдигарлаў, туқымлық, жанылғы-майлаў материаллары, минерал төгинлер ҳәм басқада қәрежетлерди, оптималластырылған фермер хожалықларының тийисли ҳүжжетлери тийкарында жеткерип бериўи, жаңадан щөлкемлестирилетуғын хожалықларға үш тәреплеме шәртнама тийкарында рәсмийлестириў илажлары бойынша тийисли тапсырмалар берилди.

 Соның менен бирге, ҳәкимлик тәрепинен захира қоры есабынан қосымша жер майданларын ажыратыў, фермер хожалықлары жер майданларын ҳәкимлик захирасына қайтарыў бойынша Ҳүкиметимиз тәрепинен белгиленген тапсырмаларына тийкарланған ҳалда тийисли қарарлар қабыл етилип, ўазыйпалар белгилеп алынды.