Өзбекстан Республикасы биринши Президенти қәлбимизде мәңги жасайды



 2017-жыл 25-январь күнги «Өзбекстан Республикасының биринши Президенти Ислам Абдиғаниевич Кәримовтың естелигин мәңгилестириў ҳаққында»ғы қарарына муўапық, Қанлыкөл районы аймағындағы билимлендириў мекемелеринде Өзбекстан Республикасының биринши Президенти И.А.Каримовтың туўылғанына 81 жыл толыўы мүнәсибетине бағышланған илаж өткерилди.

Илаж шеңберинде, «И.Каримов-Өзбекстан Республикасы Ғәрезсизлигиниң баслаўшысы» ҳәм «Мениң  биринши Президентим» атамасындағы шығармалар таңлаўы, сондай-ақ, «И.А.Каримов–ғәрезсиз мәмлекеттиң тийкарғы баслаўшысы» темасында көргизбели сүўрет ҳәм китап альбомлар ислеп шығыў, «И.А.Каримов шығармалары билимданы» интеллектуал ойынлар шөлкемлестирилди.

 Илажлар мазмуны тийкарынан, Өзбекистан Республикасы биринши Президенти Ислам Абдиғаниевич Каримовтың өмир жолы, елимиздиң ғәрезсизлигине жетисиўине дейинги басқышпа-басқыш әмелге асырылған өзбек модели негизинде мәмлекетимиздиң ғәрезсизлигиниң тийкарын салған уллы инсанның мәмлекетлик, сиясий искерлиги менен әмелге асырған ийгиликли ислери, оның бизге қалдырған миллий мәдениятымыз бенен руўхыйлығымызды жәмлеген мәдений естеликлер, тарийхый имаратларды асырап абайлаў, келешек әўладқа жеткериўде жасларды Ана Ўатанға, ғәрезсизлигимизге, ата-бабаларымызға садықлық руўхында тәрбиялап, уллы инсанларға мүнәсип болыўға қаратылған.

Елимиздиң тынышлығы, халқымыздың параўанлығының тийкарын жаратқан уллы инсан И.А.Каримов өзиниң бийбаҳа мийнетлери менен ҳәр бир ўатанласымыз қәлбинде мәңги жасап қалады.