«Депутат ҳәм жаслар» темасында ушырасыў



Өзбекстан Жаслар аўқамының Қанлыкөл районлық Кеңеси ҳәм Өзбекстан Либерал Демократиялық партиясының районлық бөлими менен биргеликте «Депутат ҳәм жаслар» темасында ушырасыў шөлкемлестирилди.

Ушырасыўдың мақсети, жаслардың сиясий саўатқанлығын асырыў, Ҳүкиметимиз тәрепинен қабыл етилип атырған пәрман, қарарлардың орынланыўы менен Президентимиздиң мәмлекетлик басқарыў сиясаты менен таныстырыўдан ибарат.

Ушырасыўда жыл даўамында алып барған жумыслары менен әмелге асырылған илажлары бойынша ҳәмде Өзбекстан Республикасы Президентиниң 2018-жыл 28-декабрь күнги Олий Мажлис Сенатына жоллаған мүражааты бойынша түсиниклер берилди.

Өзбекстан Республикасы Президенти Ш.М.Мирзиёев тәрепинен бир қатар жаңа ўазыйпалар менен мақсетлер режелестирилген ҳәмде белгилеп берилген Мүрәжатнамада тийкарынан өткен жыл даўамында белгилеп берилген үстин бағдарлар, салыстырмалы дәлийллер, жуўмақларын кең жәмийетшиликке түсиндириў, қурылыс тараўындағы жетискенликлерди, социаллық тараўдағы раўажланыўлар, халықтың бәнтликти тәмийинлеў, социаллық-экономикалық, сиясий-ҳуқықый санасын қәлиплестириў, ойлаў қәбилетин кеңейтиўге қаратылған болып, бул мүрәжатнамадан барлық тараў ўәкиллери пайдаланыўлары, жумыс бабында қолланыўы бойынша мағлыўматлар берилди.

Буннан тысқары, усы мүрәжатнама тийкарында халықтың жасаў шәраятын жақсылаў бағдарында, инвестицияны кең ен жайдырыў, киши бизнес ҳәм исбилерменликти кеңейтиў, жумыс ҳәм ислеп шығарыў өнимдарлығын асырыўда мийнет ҳақы дәраматларын жоқарылатыў, оларды қоллап-қуўатлаў, жаңа жумыс орынларының артыўына имканият жаратыў ҳәмде мүрәжатнама тапсырмаларының орынланыўы бойынша әмелге асырылатуғын, партия тәрепинен исленетуғын ўазыйпалар менен илажлар ҳақкында айтып өтти.

Сондай-ақ, ушырасыўда жаслар  өзлериниң қызықтырған сораўларына жуўаплар алды.