«Жол ҳәрекети қәўипсизлиги» илажлары



Өзбекстан Республикасы Президентиниң 2018-жылы 30-август күнги «Жол ҳәрекети қәўипсизлиги күнин өткериў ҳәм жол транспорт ҳәдийселери профилактикасының нәтийжелилигин арттырыў ис-илажлары ҳаққында»ғы ПҚ-3939-санлы Қарарына муўапық, Қанлыкөл районы билимлендириў мекемелеринде ҳәр ҳәптениң жума күни  «Жол ҳәрекети қәўипсизлиги» белгилениўи мүнәсибети менен ҳәр ҳәптеде жол қәўипсизлиги қағыйдалары бойынша оқыўшылар арасында түсиндириў илажларын алып барыў мақсетинде, көргизбели ушырасыўлар өткерилди.

Ушырасыўда, районлық ишки ислер бөлиминиң жол қәўипсизлиги топары аға инспекторы тәрепинен оқыўшылар менен байланыслы жол ҳәрекети қәўипсизлигин тәмийинлеў, балалар қатнасында жол транспорт ҳәдийселериниң алдын алыў, билимлендириў мекемелеринде «Жол ҳәрекети қәўипсизлиги» қағыйдаларының оқытылыўын нәтийжели шөлкемлестириў, оқыў жылы даўамында  жол ҳәрекети қәўипсизлиги қағыйдаларына әмел етиў, оқыўшылардың жоллардың белгиленген орынларынан жүриўи, кесилиспелерде, светофор менен жол белгилери талапларына әмел қылыўлары ҳаққында айтылды,

Сондай-ақ, оқыўшылардың автомобиль жолларынан қәўипсиз өтиўин тәмийинлеў мақсетинде, автомобиль жоллары бойларында жайласқан билимлендириў мекемелеринде оқытыўшылардың нәўбетшилиги, оқыў процессиниң басланыўы ҳәм тамамланыўы ўақытларында қызыл байрақша жәрдеминде жолдан алып өтиў, жол қәўипсизлиги бойынша буклетлер таярланып, оқыўшылардың ата-аналарына тарқатыў ҳәмде «Жол ҳәрекети қәўипсизлиги»не тийисли мекемелер менен биргеликте ҳәрекет ислеўи кереклиги туўралы көрсетпелер берилди.